Haukur Arnþórsson stjórnsýslufræðingur: „Hér má sjá hvernig Framsóknarmennirnir fara með ráðningarvaldið – þeir fara enn eftir spilltum hefðum „gamla Íslands“. Ég hef áður talað um ráðningar Ásmundar Einars, en ekki um ráðningar Sigurðar Inga. Lilja, sem hefur sýnt femíníska hlið á sér, t.d. í Klaustursmálinu – og þekkir vel til undirskipunar kvenna í opinberu lífi og varðandi leiðandi stöður í þjóðfélaginu – lætur flokksskírteini ráða við ráðninguna.
Ég þekki lauslega til starfa Hafdísar og get ekki hugsað mér hæfari ráðuneytisstjóra. Í meðfylgjandi frétt segir: „Hafdís Helga er skrifstofustjóri í forsætisráðuneytinu en hafði áður meðal annars verið forstöðumaður nefndarsviðs Alþingis og fulltrúi forsætisráðuneytisins í sendiráði Íslands í Brussel.“ Um Pál ætla ég ekkert að segja.“
Gunnar Smári skrifar:
„Það ætti að draga allar þessa skaðabætur vegna pólitískra ráðninga af framlögum ríkisins til stjórnmálaflokkanna, samkvæmt þessum úrskurði ætti Hafdís Helga að geta sótt í það minnsta 20 m.kr. í ríkissjóð. Annað hvort á Lilja að borga það sjálf eða Framsókn. Svo á náttúrlega að reka Pál og ráða Hafdísi Helgu. Meðan að stjórnmálafólk og stjórnmálaflokka bera engan skaða af þessum ráðningum þá halda þær áfram.“
