„Mér var illa brugðið í gær þegar ég las grein í Morgunblaðinu eftir hæstvirtan dómsmálaráðherra sem telur mikilvægt að víkja frá þeirri stefnu, ákvörðun og samþykkt sveitarfélaga á Austurlandi, frá landsáætlun og fram hjá því mikilvæga máli að setja göng undir Fjarðarheiði í forgang. Það er auðvitað ótrúlegt að fylgjast með þeim áróðri, sem fyrst og fremst er runninn undan rifjum atvinnulífsins, um að hætta eigi við þau göng sem búið er að leggja hundruð milljóna í að undirbúa. Það eru sjálfsagt ekki önnur göng á þessu landi sem farið hefur verið í eins umfangsmikla undirbúningsvinnu á. Þau eru tilbúin og það þarf að byrja að framkvæma og hætta að þvaðra um eitthvað sem algjör samstaða er um fyrir austan,“ sagði Jódís Skúladóttir Vinstri grænum á Alþingi í dag.
- Advertisement -
