- Advertisement -

Ný frétt: Alþingi gleymdi sjálfu sér

- merkileg umræða milli Katrínar Jakobsdóttur og Bjarna Benediktssonar á Alþingi

Katrín Jakobsdóttir, formaður Vinstri grænna, velti upp stöðu Alþingis, hvað varðar ríkisfjármál þegar hún skiptist á skoðunum við Bjarna Benediktsson, forsætisráðherra, þegar fjármálaáætlun 2018 til 2022 var rædd á Alþingi.

Hún sagði að Alþingi hafi gleymt að senda fjármálaáætlun áranna 2018 til 2022 til efnahags- og viðskiptanefndar þingsins. Nefndin hafi þess vegna ekki farið yfir áætlunina og lagt mat á hana, svo sem þjóðhagslegar forsendur fjármálastefnunnar.

„Kannski er þetta ástæða þess að við fáum tilmæli inn í efnahags- og viðskiptanefnd að við ættum bara að skila einni umsögn sem var nánast búið að skrifa forskriftað, um hvað við eigum að segja sem nefnd. Að sjálfsögðu gerum við það ekkert þannig. Þetta er hápólitískt plagg. Við erum með gjörólíkar skoðanir á því hvernig á að standa að tekjuöflun, hvernig nákvæmlega útgjöld eiga að þróast, hvert hlutverk samneyslunnar á að vera. Mér finnst, og það er mín tilfinning, að við séum að innleiða hér nýtt verkferli, langtímahugsun sem allir hafa tekið undir. En við séum ekki með tólin og tækin til að gera það og að það sé verið að gera þetta með ákveðinni fljótaskrift.“

Katrín lýsti yfir áhyggjum af veikri stöðu þingsins og sagði að hlutverk þess hafi gjörbeyst.

Þú gætir haft áhuga á þessum

Bjarni Benediktsson sagðist taka undir með Katrínu. Hann sagði þingið verða að líta í eigin barm.

Katrín benti á að komandi fjárlög verði byggð á fjármálaáætluninni og því skipti vinnan nú miklu máli.

Hér er sýnishorn af orðaskiptum Katrínar og Bjarna:


Tengdar fréttir sem þú gætir haft áhuga á að lesa: